తేది: 23-06-2008.

శ్రీ లలితాపీఠం, లలితానగర్, విశాఖపట్నం

 

సమస్య: పరసతి పొందుపొందు మగవారికిఁ గల్గవెభోగభాగ్యముల్

 

నిరతము కామలోలురయి నీచములై తగనట్టి కృత్యముల్
విరివిగ నాచరింపగ వివేకవిహీనత దాపురించు - నే
పరసతి పొందుపొందు మగవారికిఁ; గల్గవె భోగభాగ్యముల్
ధరను భవాని పావన పదాంబుజ సీమను చిత్తముంచినన్!!

 

దత్తపది: హరి, అరి, విరి, సిరి - నరసింహ స్తుతి:-

హ నరసింహరూపమున నా దనుజాధిపు నుర్విగూల్చగా
నరయగ పోరునందున విహంగతురంగుడు నంకపీఠిపై
అరిని వధించి, వాని భవయానముఁ దీర్చెను; వేల్పులెల్లరున్
విరులను వృష్టిగాగ కురిపించిరి చూ రిpక్షయంబిలన్!!

 

వర్ణన: తొలకరి జల్లులు:-

మలమల మాడ్చుచుండనిల మండుచు నెండలు నేకధాటిగా!
తొలకరి జల్లులీయవొకొ? తోషపయోధి జనాళిక, ంత మే
నలరగ, నుల్లముల్లసిల హా! యని యీ యవధాన సత్సభల్
వెలవెలబోవుచుండెనని వేడుకఁదీఱరె వెండివెండియున్!!

 

నిషిద్ధాక్షారి: లలితాంబ గూర్చి:-

నీవై యుండన్ మాయెడ
శ్రీవై, యోటంబు యున్నె చిరుయన మాతా!!
దేవి లలితాంబిక నిను
భావింతుము సతము మాకు భాగ్యములిడుమా!!

 

న్యస్తాక్ష: అవధూత వర్ణన:-

1వ పాదం 6వ అక్షరం - మ
2వ పాదం 9వ అక్షరం - హా
3వ పాదం 14వ అక్షరం - స్వా
4వ పాదం 18వ అక్షరం - మి

 

ప్రార్థింతున్ నమహోయటంచు మది, భవ్యాఖ్యానముల్ చెప్పె, నే
నర్థింతున్ కనగా మహాబ్ధివినవే యాచార్య! నాకిమ్మదే
వార్థింబోలిన సద్యశమ్ము వడి, నీవై స్వామి నారక్షగా
సార్థక్యంబునుఁగూర్చు సిద్ధవర! విశ్వాసింతు నిన్ స్వామిగా!!

 

Back to mainpage